Сўнгги янгиликлар

Мақолалар

БЕПАРВО БЎЛМАЙЛИК

  Ҳозирги дунё ғоят мураккаб, ғоят таҳликали тус олаётгани ҳеч кимга сир эмас.  Бунда аввало, турли минтақаларда айрим давлатларнинг сиёсий – иқтисодий манфаатлари тўқнаш келиб қолгани катализатор ролини ўтамоқда. Яқин шарқ давлатларидаги турли “ўйин”ларни айни шунинг сирасига қўшиш мумкин. Бу ҳудудда муқаддас ислом динимизни ниқоб қилиб олган тўдалар сиёсий ҳокимиятга интилишмоқда. Уларнинг  мақсадлари маълум – ҳокимиятни эгаллаш ва моддий бойликларга эга чиқиш.  Шу йўлда улар дунёнинг турли бурчакларидан онги ҳали тўла шаклланмаган ёшларни ўз сафларига чорлашмоқда.  Бунга эса яна динимизни ниқоб қилиб, “ҳижрат” мақомини бузиб, сохта кўринишда, ёлғонларга бўяб кўрсатишяпти. Бу алдовларга учиб, гўёки “ҳижрат қилиб”, шу орқали ўзларини ҳақиқий мусулмон санаётган, аслида эса маккор гуруҳларнинг қўлида қуролга айланаётган ёшлар ҳам оз эмас.

Батафсил...

ДЎСТ ТАНЛАШДА АДАШМАЙЛИК

Инсоннинг ҳаёти давомида ёнида қариндошлари бўлгани каби дўстлари ҳам бўлмоғи зарурдир. Чунки, дўст вақти келганда сирдош, маслаҳатчи, яхши-ёмон кунларида эса шерик бўлади. Агар кишининг дўсти яхши бўлса у доимо ундан тўғри маслаҳат ола олади ва йўлидан адашмайди. Агар ёмон дўст бўлсачи, унда унинг ёмонлиги, албатта, атрофидагиларга ҳам таъсир қилмай қолмайди. Яхши ва ёмон дўстни Расулуллоҳ (с.а.в.) ўзларининг ҳадиси шарифларида жуда чиройли тарзда ўхшатиш орқали қуйидагича тушунтириб берганлар: “Солиҳ улфат ва ёмон улфатнинг мисоли худди мушк сотувчи ва темирчининг босқонига ўхшайди. Мушк сотувчи ё сенга беради, ё сен ундан сотиб оласан, ёхуд ундан хушбўй ҳидни топасан. Темирчининг босқони бўлса, ё кийимингни куйдиради, ё сен ундан қўланса ҳидни топасан”.

Батафсил...

УСТОЗЛАРГА ЭҲТИРОМ

Ислом динимиз бизларга ўқитувчиларимиз ва устозларимизга қандай муносабатда бўлишимиз, илм аҳлини ҳурматини қандай жойига қўйишимиз кераклигини ўргатиб келади. Жумладан, Аллоҳ таоло Қуръони каримда устоз ва муаллимларни фазилати ҳақида шундай марҳамат қилади:

Аллоҳ сизлардан иймон келтирганларнинг ва илм берилганларнинг даражаларини кўтарадир. Аллоҳ нима қилаётганларингиздан хабардордир” (мужодала, 11)

Ибн Аббос р.а. айтадилар: “Олимларнинг даражаси илм олмаган мўминларнинг даражасидан 700 даража юқоридир. Ҳар даражанинг ораси 500 йиллик масофага тенг”.

Батафсил...

ИНТЕРНЕТ ТАРМОҒИДАГИ БУЗҒУНЧИ ҲАРАКАТЛАР

Интернет ёрдамида ҳар қандай ишлар осон ва тез бажарилади. Лекин кейинги пайтларда интернет билан боғлик бузғунчиликлар, интернетдан қабих максадда фойдаланаётганлар кўпайиб бормоқда. Оқибатда залолатга бошловчи электрон нашрлар ва видеолавхалар кенг ёйилмокда. Ақидапараст оқимлар ўзларининг қора ниятларини тарғиб қилишда интернет асосий воситага айланган.

Батафсил...

ФАРЗАНДЛАР ТАРБИЯСИГА ЭЪТИБОРЛИ БЎЛАЙЛИК

Жамиятда ҳар бир ота-она ўз фарзандларининг истиқболи,   бахту саодати  ва келажакда мустақил ҳаёт кечириб, ҳам моддий, ҳам маънавий жиҳатдан баркамол авлод бўлиб етишишларини ният қилади.

        Ислом дини таълимотига кўра фарзанд Аллоҳ таоло томонидан  ато этилган улуғ неъмат аталиши билан бирга, у ота-онага топширилган маъсулияти жуда ката бўлган омонат ҳамдир.  Уни ақлан ва жисмонан соғлом ҳолда парвариш қилиш, одоб-ахлоқ қоидаларини ўргатиб бориш ҳар бир ота онанинг вазифаси саналади. Боланинг оиласида илк оладиган бирламчи тарбияси кейинги ҳаёти, касб кори ва жамиятдаги мавқеи учун асос ва пойдевор ҳисобланади. Шундай экан бола тарбияси, ҳар бир ота-она учун энг муҳим вазифа ҳисобланиб, уларнинг ўз ҳолича ҳаётга кўникма ҳосил қилишлари, ўқиши, касб-ҳунар ўрганишдаги ҳаракатларини мунтазам равишда назорат қилиш мақсадга мувофиқдир.  

Батафсил...

ВАТАН ҲИМОЯСИ МУҚАДДАСДИР

Инсон фарзанди қаерда, қайси мамлакатда дунёга келса ана шу ер унинг учун қадрли ватанга айланиб қолади. Туғилиб, киндик қони тўкилган жой инсон учун ҳамма нарсадан ҳам қимматли даргоҳдир. Пайғамбаримиз Муҳаммад.а.в) туғилиб ўсган шаҳри Маккаи мукаррамадан Мадинаи мунавварага ҳижрат қилиб кўчиб ўтгандан кейин, туғилиб ўсган ватанини эслаб: “Агар қавмим мени Маккадан чиқиб кетишга мажбур қилмаганда, хеч хам ўз ихтиёрим билан уни ташлаб кетмаган бўлар эдим, деганлар.

Батафсил...

МАЪНАВИЙ БУЗУҚЛИКДАН ЭҲТИЁТ БЎЛАЙЛИК

  Бугунги кунда мустақиллигимизга хавф солаётган таҳдидларнинг тиғи, энг аввало, ёшларимизни маданий-маънавий меросимиз, миллий қадриятларимизни ўзида мужассамлаштирган муқаддас динимиздан бегоналаштиришга қаратилган. Бунда миллийлигимизга ёт ғарбона ахлоқ “оммавий маданият”ни тарғиб ва ташвиқ қилувчи ахборот воситалари, интернет қаналларидан кенг фойдаланилмоқда. Маънавий ахлоқимизга тажовузнинг энг беозор кўриниши “оммавий маданиятнинг” сингдирилишидир.

Батафсил...

ТИНЧЛИК- УЛУҒ НЕЪМАТ

Аллоҳ таоло иймон эгаларига севги, раҳм-шафқат тинчлик-осойишталикни буюради. Террор эса иймоннинг ғирт аксидир. У ўз олдига бераҳмлик,шафқатсизлик, зулм, қотиллик ва азоб кулфатларни мақсад қилиб қўяди. Шунинг учун барча террорчилик ҳаракатларининг манбаини художўйлик ва иймондан эмас, балки, даҳрийлик ҳамда бидьатдан ахтариш керак. Агар инсон совуққонлик билан бегуноҳ кишиларнингўлимига сабабчи бўлибдими демак, у иймонсиз.

Батафсил...

ИЙМОНИНИ СОТГАНЛАР МУСУЛМОН ЭМАС

Барчамизга маълумки, инсон ўзлигини англагани, насл-насабини чуқурроқ билгани сари юрагида Ватанга муҳаббат туйғуси илдиз отиб, улғая боради. Бу илдиз қанча теран бўлса, туғилиб ўсган юртга муҳаббат ҳам шу қадар юксак бўлади. Яратганга шукроналар бўлсинки, мана бугун биз  ватанимиз Ўзбекистон мустақиллигининг 24 йиллигини ҳурсандчилик ва шодиёналар билан нишонлаяпмиз. Муҳтарам президентимиз Ислом Каримов 31-август куни “Шаҳидлар хотираси” майдонига қилган зиёрати чоғида шу нарсани таъкидлаб ўтдиларки: “Барчамиз бутун дунёда нималар содир бўлаётгани, турли хил террорчи гуруҳлар ўзининг жирканч мақсадларига эришиш учун қандай усул ва воситаларни ишга солаётганининг шоҳиди бўлиб турибмиз.

Батафсил...

ТИНЧЛИККА БАРЧАМИЗ ДАХЛДОРМИЗ

Хозирги кунда дунёнинг айрим минтақаларида нотинчликлар, ўзаро жанжаллар, диний низолар рўй бериб тургани, бунинг оқибатида бегуноҳ одамлар қурбон бўлаётгани ташвишли бир ҳолдир. Аввало, юрт тинчлиги, бирдамлиги, ҳар доим соғлом муҳитни қарор топтириш учун инсонларда унга нисбатан даҳлдорлик ҳиссини кучайтириш керак. Негаки, тинчлик улуғ неъмат бўлиб, уни авайлаб – асраш, қадрига етиш нафақат бугунги балки эртанги фаравон ҳаётимизни таъминлайди. Тинчликка даҳлдорлик бу хар биримизнинг ён атрофда рўй бераётган ноҳушликка бепарво бўлмаслигимизни англатади. Яъни бугун ўша нохушликлар унга зиён етказмаётган бўлса балки эртага ўзининг бошига  хам тушуши мумкин эканлигини хис қилган холда яшаш ва унга қарши чораларни кўриш демакдир. Бу холат хар куни хар сонияда барчамиздан огоҳликни талаб этади.

Батафсил...

ЯХШИЛИК ЎЗИНГДАН БОШЛАНАДИ

Силаи раҳм маъноси қариндош уруғлар орасидаги алоқаларни яхши йўлга қўйишдир. Пайғамбаримиз Муҳаммад (с.а.в) марҳамат қиладилар:

Ким ризқи кенг бўлишини ҳамда умри узун бўлишини хоҳласа қариндошлари билан борди-келди қилсин”.

Шариатимиз қайтарган  ва ҳозирги пайтларда билиб-билмасдан халқимиз ичида ривожланаётган иллатлардан биттаси шуки, бир ота-онадан туғилиб, бир хонадонда яшаб катта бўлган ака-ука, опа-сингиллар ўртасида бемеҳрлик ва ўзига хос ихтилофлар борлиги аччиқ бўлса ҳам ҳақиқатдир. Пайғамбаримиз Муҳаммад (с.а.в) ҳузурларига бир аъробий келиб: “Эй Аллоҳнинг расули Аллоҳ ҳузурида яхши, даражаси улуғ бўлган амаллардан хабар беринг”-деди. Шунда Пайғамбаримиз (с.а.в) “Ота-онанг, ака-уканг, опа-синглинг, жигарларинг ҳаётми?”-деб сўрадилар.

Батафсил...

САРҲИСОБ ТАНЛОВИ

Истиқлол йиллари мамлакатимизда диний-маърифий соҳадаги ислоҳотларни оммавий ахборот воситалари орқали кенг тарғиб этишда фаоллик кўрсатган ижодкорларни тақдирлаш бўйича «Сарҳисоб» танловини ўтказиш хақида

          Истиқлол йиллари мамлакатимизда диний-маърифий соҳадаги ислоҳотларни оммавий ахборот воситалари орқали кенг тарғиб этишда фаоллик кўрсатган ижодкорларни тақдирлаш бўйича «Сарҳисоб» танловини ўтказиш хақида  Вазирлар Маҳкамаси ҳузуридаги Дин ишлари бўйича қўмита, Ўзбекистон матбуот ва ахборот агентлиги, Ўзбекистон Миллий телерадиокомпанияси, Ўзбекистон мусулмонлари идораси, Тошкент ислом университети билан ҳамкорликда мустақиллик йиллари Ўзбекистонда диний-маърифий соҳада амалга оширилаётган ислоҳотларни кенг тарғиб этиш, тинчлик ва осойишталикни қадрлаш, динлараро бағрикенглик ва ҳамкорлик ғояларини оммалаштириш, халқимиз, айниқса, ўсиб келаётган ёш авлодни ёт ғоялардан ҳимоя қилишда фаоллик кўрсатган ижодкорларни қўллаб-қувватлаш ва муносиб рағбатлантириш мақсадида «Сарҳисоб» танловини ўтказади.

Батафсил...
Top
Разработано с JooMix.